放盤教學

1. 30 秒開盤

揀廠牌、型號、年份，寫個叫價，留手提同 email，撳「上架」。我哋會 SMS 一個驗證碼畀你——證明係你本人，唔會公開。驗完，車盤即時上架。相同車況可以之後慢慢補。

3. 寫盤：優點先寫，車況揀選項

描述先寫你部車好嘅嘢：原廠保養、剛換嘅損耗品、全原裝、裝備。

車況只需要揀：曾為中港車？碰撞維修係「冇大碰撞」定「輕微」？保養記錄係「有齊單」「部分」定「冇記錄」？有原廠記錄就剔埋。

冇留單好常見，唔影響上架，價錢反映返就得。真係有故事嘅，撳「有故事，睇車可詳述」——買家見到呢句，反而知道你係認真。買家問到，講真話；睇車先發現有分歧，只係浪費大家時間。

4. 訂價

睇吓同款、相近年份里數嘅車叫緊幾錢，喺高低之間定個你接受嘅價，留少少議價空間。你可以另外設一個只有你知道嘅最低意向價：低過呢個價嘅出價，我哋照記低畀你，但唔會嘈你。叫價隨時改。

5. 收到查詢點做

所有出價同查詢都會入你嘅車盤信箱，唔一定要回覆。啱價先開 chat；未開之前，對方聯絡唔到你。

6. 睇車小貼士

• 日間、公眾地方；一個人就搵朋友陪
• 先傾好價錢，先俾試車；試車前抄低對方駕駛執照同身份證資料，限個時間
• 成交前自行核實車輛權屬同付款方式；平台唔代收車價

上架成功後有分享連結，貼去邊度都得。