Peachoice 點運作

最後更新：2026 年 9 月 14 日 · 生效日期：2026 年 9 月 9 日 · 版本：2.0

呢頁係人話版摘要，唔取代《平台使用條款》；如有出入，以條款為準。

1. 我哋係放盤平台，唔係車行。我哋唔買、唔賣、唔擁有、唔持有任何車輛。放盤免費，唔收按車價計嘅佣金。

2. 車價永遠唔經我哋手，冇託管（escrow），買賣雙方直接交收。

3. 你嘅電話同電郵唔會顯示。買家經平台留言俾你；要唔要公開聯絡方式由你決定（可選收費服務）。

4. 相片會自動處理，遮蔽車牌。原圖只用作處理同記錄，唔會展示。

5. 付費位置一律標示「贊助」「推廣」或「置頂」。示範車盤會標示。車行車盤會標示。

6. 由我哋參考數據庫顯示嘅車輛數據係參考資訊，唔係該架車嘅描述。買之前一定要驗車、核實。

7. 可選服務——公開聯絡、推廣、睇車陪同、過戶代辦——會列喺收費表；每項嘅價錢到推出嗰陣先公布。政府費用分開列。

8. 舉報或封鎖：每個車盤同訊息都有舉報選項；你可以封鎖任何用戶。詳見《內容與社群守則》。

9. 完整條款：《平台使用條款》、《服務條款》、《收費表》、《私隱政策》、《退款及取消政策》。